Анатолий Данилов ÿнерçĕ ĕçĕсен куравĕ уçăлчĕ
Кăрлач уйăхĕн 24-мĕшĕнче Антон Петрович Дубров предприниматель тата ÿнерçĕ хăйĕн коллекцийĕнче упранакан ÿкерчĕксен куравне уçрĕ. Ку таранччен пухнă 300 ытла ĕçрен курав валли вăл çирĕм ытла хайлав суйласа илнĕ. "Раççей чиркÿ чанĕсен капăр çути" ятлă кураври ÿкерчĕксен авторĕ - Чăваш Республикин тава тивĕçлĕ художникĕ Анатолий Васильевич Данилов.
Чăваш ÿнерçисен пултарулăхĕпе кăсăкланакансем Чăваш патшалăх гуманитари ăслăлăхĕсен институчĕн иккĕмĕш хутĕнче А.П. Дубров хастар усламçă коллекцийĕнчи хайлавсемпе, А.В. Данилов пултаруллă ÿнерçĕ ĕçĕсемпе 9 сехетрен 17 сехетчен паллашма пултараççĕ.
Вернуться назад