Институтăн Ăслăлăх канашĕн пайташне Л.П. Сергеев профессора Чăваш Республикин патшалăх премине тивĕçнĕ ятпа саламлатпăр!
ИНСТИТУТĂН ĂСЛĂЛĂХ КАНАШĔН ПАЙТАШНЕ Л.П. СЕРГЕЕВ ПРОФЕССОРА ЧĂВАШ РЕСПУБЛИКИН ПАТШАЛĂХ ПРЕМИНЕ ТИВĔÇНĔ ЯТПА САЛАМЛАТПĂР!
Республика кунĕ умĕн Чăваш Ен Пуçлăхĕ Михаил Игнатьев патшалăх наградисем парса чысланă
Çĕртме уйăхĕн 19-мĕшĕнче çывхарса килекен уяв умĕн республика Пуçлăхĕ Михаил Игнатьев Чăваш Республикин пашалăх наградисене парса чысланă. Хаваслă пулăма пуçличчен, чи малтанах Михаил Игнатьев Чăваш Енре хăйсен ĕçне юратса професси шайĕнче пурнăçласа çитĕнӳсем тăвакан пысăк тавра курăмлă ырă çынсем сахал маррине палăртнă. «Сирĕн пархатарлă ĕçĕрсене пула республика малалла ăнтăлать, пысăк çитĕнӳсем туса хальхи пурнăçпа пĕр шайра утать, Раççейри регинсем хушшинче тивĕçлĕ вырăн йышăнать», - тесе уйрăммăн палăртнă республика Пуçлăхĕ. Пысăк наградăна тивĕçнисем хушшинче – тĕрлĕ тытăмра: вĕренӳре, сывлăх сыхлавĕнче, творчествăра, ял хуçалăхĕнче, суту-илӳре, промышленноçра, юридици тата та нумай ытти çĕрте вăй хуракан çынсем. Сума тивĕçнисем республика Пуçлăхне тав сăмахĕсем каланă. Чăваш Республикинчи «Кик-Боксинг Ассоциаци» обществăлла организацийĕн президенчĕ Ача-пăча пултарулăх керменĕнче хушма пĕлӳ паракан педагог Алексей Соловьев Чăваш Республикин Пуçлăхĕ – лайăх ертӳçĕ çеç мар тата спортсмен та пулнине палăртнă. Çавăнпа та ун аллинчен награда илни икĕ хут савăнăç пулнине каланă.
Сергеев Леонид Павлович, — чăваш чĕлхеçи, филологи ăслăлăхĕсен тухтăрĕ, профессор. 1929 çулхи çĕртме уйăхĕн 3-мĕшĕнче Чăваш Енĕн Муркаш районĕнчи Çурлатăри ялĕнче çуралнă. Раççей Федерацийĕн (2002) тата Чăваш Республикин (1990) тава тивĕçлĕ ăслăлăх ĕçченĕ ятсене тивĕçнĕ. Чăваш Енĕн Патшалăх премийĕн лауреачĕ (1992), Чăваш Енĕн Ăслăлăхпа ÿнер наци академийĕн Н.И.Ашмарин ячĕллĕ премийĕн лауреачĕ (2002), Раççей Федерацийĕн профессиллĕ аслă пĕлĕвĕн хисеплĕ ĕçченĕ (2000).
1950 çулта Чăваш патшалăх пединститучĕн филологи факультетне, 1964 çулта чăваш чăлхипе литература кафедрин аспирантурине пĕтернĕ. Вĕрентекен, шкул директорĕ, районти çутĕç пайĕн пуçлăхĕ, ăслăлăх сотрудникĕ пулнă. Пĕр вăхăт Ăслăлăх тĕпчевĕсен институчĕн (халĕ ЧПГĂИ) чĕлхе пайне, вун икĕ çул (1972-1984) РСФСР Çутĕç министерствин Наци шкулĕсен ăслăлăх тĕпчев институчĕн Шупашкарти лабораторине ертсе пынă. 1984—1991 çулсенче педагогика институчĕн пуçламăш вĕрентÿ кафедрин тата чăвашпа вырăс чĕлхисен кафедрин пуçлăхĕ пулнă. Халĕ — педагогика университечĕн чăваш чĕлхи кафедрин профессорĕ.
Ача садĕнчен пуçласа аслă шкул таранах Леонид Сергеев ăсталанă вĕренÿ кĕнекисемпе усă кураççĕ. Аслă шкулсем валли кăна 9 вĕренÿ кĕнеки пичетлесе кăларнă, вĕсенчен пĕри — «Чăваш чĕлхи» (ăна çырма В.И.Котлеев хутшăннă) Чăваш Республикин Патшалăх премине илме тивĕç пулнă.
Леонид Сергеев Гуманитари ăслăлăхĕсен институчĕн Ăслăлăх канашĕн йышне кĕрет, аспирантсене ертсе пырать.
Хыпарпа тĕплĕнрех çакăнта паллашма пулать:
Республика кунĕ умĕн Чăваш Ен Пуçлăхĕ Михаил Игнатьев патшалăх наградисем парса чысланă
Вернуться назад