DataLife Engine > Версия для печати > 2013 çулхи авăн уйăхĕн 2-мĕшĕнче "Хула шкулĕсенче чăваш чĕлхине, литературине тата тăван ен культурине вĕрентес ĕç" семинар пулать

2013 çулхи авăн уйăхĕн 2-мĕшĕнче "Хула шкулĕсенче чăваш чĕлхине, литературине тата тăван ен культурине вĕрентес ĕç" семинар пулать. Ăна Чăваш патшалăх гуманитари ăслăлăхĕсен институчĕ, "Хавал" чăваш халăх пĕрлешĕвĕ тата Кыркларели Университечĕн (Турци Республики) хальхи тĕрĕк чĕлхисемпе литературисен кафедри пĕрле йĕркелеççĕ.
Семинарта Европа çĕр-шывĕсенче йышлă мар тата патшалăх тытăмĕсĕр халăхсен чĕлхисене вĕрентес ĕç мĕнлерех йĕркеленнипе Испанири Каталонире çуралнă, халĕ Шупашкарта пурăнакан, Чăваш патшалăх гуманитари ăслăлăхĕсен институтĕнче вăй хуракан Эктор Алос и Фонт социолингвист паллаштарĕ.
Тăван чĕлхене Турцире мĕнле вĕрентнине, Турцире чăваш чĕлхине, литературине, фольклорне, культурине тĕпчесе вĕрентес ĕçе мĕнле йĕркеленнипе Турцири Кыркларели университечĕн хальхи тĕрĕк чĕлхисемпе литературисен кафедрин пуçлăхĕ Бюлент Байрам филолог-ăсчах паллаштарĕ.
Шупашкарти шкулсенче вăй хуракан вĕрентекенсене, тăван чĕлхене вĕрентес ĕç аталанăвĕпе кăсăкланакансене пурне те 14 сехетре Чăваш патшалăх гуманитари ăслăлăхĕсен институчĕн Акт залĕнче кĕтетпĕр.

Эктор Алос и Фонт вырăсла хатĕрленĕ сĕнÿсемпе çакăнта паллашма пулать:
dlya-povysheniya-rezultativnosti-obucheniya-chuvashskomu-yazyku-v-uchebnyh-zavedeniyah-chuvashskoy-respubliki.doc [62.5 Kb] (cкачиваний: 63)