Юпа уйăхĕн 1-мĕшĕ – Ватă çынсен кунĕ
Юпа уйăхĕн 1-мĕшĕ – Ватă çынсен кунĕ, сумлă та пархатарлă уяв. Çак кун эпир хамăрăн аслă ăрăва хисепленине, сума сунине, вĕсене манманнине кăтартатпăр. Уяв ячĕпе институт та хăйĕн сумлă ĕçтешĕсене – халь ĕçлекеннисене те, кунта нумай çул вăй хунă юлташсене те – саламлать, ырлăх-сывлăх, телей, вăрăм кун-çул сунать.Литература пĕлĕвĕпе фольклористика пайĕн ĕçтешĕсем институтра ĕçленĕ паллă чăваш фольклористне, текстологне, литература тĕпчевçине, çыравçине Геннадий Федорович Юмарта паянхи уявпа саламласа килчĕç. Геннадий Федорович çулĕсене пăхмасăр халĕ те ĕçлет, республикăра тухса тăракан хаçат-журналсенче хăйĕн ĕçĕсене пичетлесех тăрать. Малашнехи ĕç планĕсем те питĕ пысăк унăн – килте упранакан сăвă-поэмăсен, тĕпчев ĕçĕсен ал çырăвĕсене тирпейлес çитерсе архива парасшăн вăл. Ан тив, хăй хыççăнхи тĕпчевçĕсем те усă курччĕр.
Эпир ăна паянхи уявпа саламлатпăр, ĕмĕчĕсене пурнăçа кĕртме вăй-хал, çирĕп сывлăх сунатпăр.
Вернуться назад