Римма Прокопьева. Сахал калаçаççĕ, ĕçне тĕплĕ тăваççĕ // Хыпар. 2015. Чÿк, 6.
Юпа уйăхĕн 29-мĕшĕнче Чăваш наци библиотекинче Владимир Алмантайăн «Сувар-пулкар культури: авалхи ятсем тата вĕсен пĕлтерĕшĕ» тата Юрийпе Сергей Ювенальевсен «Сувар-пулкар культури: çапăçу хатĕрĕсем пуçланса кайни» кĕнеке-альбомсене пахаларĕç. Сумлă та паха кĕнекесен чăн хакне тивĕçлипех вăхăт кăна кăтартса парĕ, вĕсем кун çути курнă ятпа ирттернĕ уява вара халăх йышлă пухăнчĕ.Чăваш патшалăх гуманитари ăслăлăхĕсен институчĕн директорĕ Ю.Н.Исаев /сăнÿкерчĕкре/ кĕнекесем çĕнĕ шухăш пуррипе паха пулнине палăртрĕ. Истори ăслăлăхĕсен докторĕ В.П.Иванов профессор «Сувар-пулкар культури» ярăмпа тухнă кĕнеке-альбомсене пысăка хурса хакласа авторĕсене историпе культурологи тĕпчевĕсен К.В.Иванов ячĕллĕ фондăн Хисеп хучĕсемпе чысласа малалла та ăнăçлă ĕçлеме сунчĕ.
Римма ПРОКОПЬЕВА
Хыпара çакăнтан илнĕ:
Сахал калаçаççĕ, ĕçне тĕплĕ тăваççĕ
Вернуться назад