«Зоя Антонова тата чӑваш филологийӗн ҫивӗч ыйтӑвӗсем» ҫавра сӗтел иртрĕ
2016 ҫулхи ҫу уйӑхӗн 27-мӗшӗнче «Зоя Антонова тата чӑваш филологийӗн ҫивӗч ыйтӑвӗсем» ҫавра сӗтел иртрĕ. Ӑна Чӑваш Республикин тава тивӗҫлӗ вӗренӳ ӗҫченӗн Зоя Серафимовна Антонова педагог ӑсчахӑн (1939—2015) асӑмне халалланӑ. Чӑваш патшалӑх гуманитари ӑслӑлӑхӗсен институчӗн ӑслӑлӑх канашӗн залӗнче ăсчахсем, аслă шкул вĕрентекенĕсемпе вĕренекенĕсем, вĕренÿ ĕçĕн ветеранĕсем, таврапĕлÿçĕсем, библиотекăпа хаçат-журнал ĕçченĕсем пустарăнчĕç. Вĕсем хальхи вăхăтри чĕлхе пĕлевĕ, литература пĕлĕвĕ, чĕлхепе литературăна вĕрентес ĕç меслетлĕхĕ мĕнле аталанса пыни пирки хĕрÿ калаçрĕç, Зоя Серафимовна пурнăçĕпе пултарулăхĕнчи кăсăк самантсемпе паллаштарчĕç.
Вернуться назад