Г.И.Федоров тӗпчевҫӗ тата ҫыравҫӑ ҫуралнӑранпа 75 ҫул ҫитнине халалланӑ юбилей каҫĕ тата кӗнекесен хӑтлавĕ иртрĕç
Чӑваш Республикин культура, национальноҫсен ӗҫӗсен тата архив ӗҫӗн министерстви, Чӑваш патшалӑх гуманитари ӑслӑлӑхӗсен институчӗ, И.Н. Ульянов ячӗллӗ Чӑваш патшалӑх университечӗ тата Чӑваш Республикин наци библиотеки 2017 ҫулхи нарӑс уйӑхӗн 15-мӗшӗнче Чӑваш Республикин наци библиотекинче Г.И.Федоров тӗпчевҫӗ тата ҫыравҫӑ ҫуралнӑранпа 75 ҫул ҫитнине халалланӑ юбилей каҫне тата кӗнекесен хӑтлавне ирттерчĕç. Уяв каçне Чӑваш Республикин наци библиотекин "Чăваш кĕнеки" центрăн ертсе пыракан библиотекарĕ Ольга Тимофеева ертсе пычĕ. Вăл кĕскен Г.И. Федоров профессор пурнăçĕпе паллаштарчĕ. Альбина Пăрчăкан юрăçă уява килнĕ халăха Г. Федоров сăввисемпе çырнă юрăсене шăрантарса савăнтарчĕ.
Юбилей каçĕнче И.Н. Ульянов ячӗллӗ Чӑваш патшалӑх университечӗн профессорĕ, филологи ӑслӑлӑхӗсен докторĕ Ермакова Галина Алексеевна, И.Н. Ульянов ячӗллӗ Чӑваш патшалӑх университечӗн профессорĕ, филологи ӑслӑлӑхӗсен докторĕ Родионов Виталий Григорьевич, И.Н. Ульянов ячӗллӗ Чӑваш патшалӑх университечӗн профессорĕ, филологи ӑслӑлӑхӗсен докторĕ Артемьев Юрий Михайлович, Чӑваш патшалӑх гуманитари ӑслӑлӑхӗсен институчӗн ертсе пыракан ӑслӑлӑх ӗҫтешӗ, филологи ӑслӑлӑхӗсен кандидачӗ Кириллова Ирина Юрьевна, чӑваш халӑх ҫыравҫи Павлов Сергей Лукиянович,
филологи ӑслӑлӑхӗсен кандидачӗ Иванова Елена Юрьевна, Ижендей Николай Петрович поэт, Чӑваш Республикин Ҫӗмӗрле районӗн Тӑванкас ял тӑрӑхӗн пуҫлӑхӗ Васильев Владимир Ильич, Анатолий Ильич Кипеч çыравçă, Праски Витти чăваш халăх ÿнерçи пирĕн маттур ăсчахăмăр, вĕрентекенĕмĕр, ĕçтешĕмĕр пирки халах умне тухса калаçрĕç. Уява тата ытти нумай ăсчах, тĕпчевçĕ, çыравçă, культурăпа вĕренÿ учрежденийĕсен, массăллă информаци хатĕрĕсен ĕçченĕсем йышлăн хутшăнчĕç.
Асаилÿ пайĕ хыççăн Иван Иванович Иванов доцент ертсе пыракан И.Н. Ульянов ячӗллӗ Чӑваш патшалӑх университечӗн студенчӗсен ушкăнĕ Г.И. Федоров сӑввисенчен йĕркеленĕ "Поэзи кӑшӑлӗ" композиципе паллаштарчĕ.
Юбилей каçĕн хăтлав пайĕ «Чӑваш фразеологийӗн ӑнлантаруллӑ сӑмах кӗнеки» («Толковый словарь фразеологизмов чувашского языка») кӗнекепе паллашнинчен пуçланчĕ. Чӑваш кӗнеке издательствин тӗп редакторĕ Алексеев Валерий Николаевич, Чӑваш патшалӑх гуманитари ӑслӑлӑхӗсен институчӗн ертсе пыракан ӑслӑлӑх ӗҫтешӗ, филологи ӑслӑлӑхӗсен кандидачӗ Дегтярёв Геннадий Анатольевич, Чӑваш Республикин вӗрентӳ институчӗн ертсе пыракан ӑслӑлӑх ӗҫтешӗ, филологи ӑслӑлӑхӗсен кандидачӗ Виноградов Юрий Михайлович, И.Н. Ульянов ячĕллӗ Чӑваш патшалӑх университечӗн профессорĕ, филологи ӑслӑлӑхӗсен докторĕ Сергеев Виталий Иванович кĕнеке кун-çулĕпе паллаштарчĕç.
Хăтлавăн иккĕмĕш пайĕнче Н.Н. Осипов хатĕрленĕ «Георгий Иосифович Федоров: биобиблиографический справочник» кĕнекепе паллашрăмăр. Кунта кĕнеке авторĕ И.Я.Яковлев ячӗллӗ Чӑваш патшалӑх педагогика университечӗн доценчӗ, филологи ӑслӑлӑхӗсен кандидачӗ Осипов Николай Николаевич, Г.И. Федоров мӑшӑрӗ Федорова Галина Федоровна тухса калаçрĕç. Чӑваш Республикин Ҫӗмӗрле районӗн Тӑванкас ял тӑрӑхӗн юрăçисен ушкăнĕ юбилей каçне илемлĕ чăваш юррисемпе илемлетрĕ. Уява килнисем Г.И. Федоров пурнӑҫӗпе пултарулӑхне халалланӑ куравпа паллашма пултарчĕç.
Вернуться назад