Институтра "Чувашский гуманитарный вестник" ăслăлăх журналĕ тухса тăнине Чăваш Республикинчи гуманитари ăслăлăхĕн анинче вăй хуракансем, чăваш халăхĕн кун-çулĕпе, ăслăлăх аталанăвĕпе кăсăкланакансем пĕлеççĕ ĕнтĕ. Халĕ вара "Институтра ĕçлекенсен официаллă мар пурнăçĕпе паллаштаракан официаллă хаçатăн" пĕрремĕш номерĕ тухрĕ. "Ăс-хакăл" ятлăскер кварталта пĕрре тухса тăрса вулакана тăван ăслăлăха аталантарас тĕлĕшпе ырми-канми ĕçлекен çынсен аса илĕвĕсемпе, хайлавĕсемпе, сăн ÿкерчĕкĕсемпе, çул-çÿревĕпе т.ыт.те паллаштарĕ.