Чÿк уйăхĕн 24-мĕшĕнче Азербайджан Республикинчи ăсчахсем, культурăпа ÿнер ĕçченĕсем Чăваш патшалăх гуманитари ăслăлăхĕсен институтĕнче хăнара пулчĕç. Тăванла икĕ тĕрĕк халăхĕн пултаруллă çыннисем хальхи вăхăтри çивĕч ыйтусене сÿтсе яврĕç, малашне аталантармалли ăслăлăхпа культура çыхăнăвĕсен çулне-йĕрне палăртрĕç.
Азербайджан Республикин делегацине Пĕтĕм Раççейри Азербайджан Конгресĕн Чăваш Енри уйрăмĕн пуçлăхĕ Азиз Магеррам оглы Бадиров ертсе пычĕ, Чăваш Ен делегацийĕ ячĕпе Чăваш патшалăх гуманитари ăслăлăхĕсен институчĕн директорĕ Юрий Николаевич Исаев тухса калаçрĕ.
Тĕл пулу тухăçлă иртрĕ. Азербайджан тата чăваш халăхĕсен элчисем ĕçлĕ калаçупа кăмăллă пулчĕç, малашне те туслă, пĕр-пĕринпе тачă çыхăнса ĕçлеме калаçса татăлчĕç.