Институт
Устав институтаНавигация
О нас говорятКалендарь
Опрос
Архив
Ссылки
Внимание! Вы находитесь на старой версии сайта. Новая версия тут.
Пĕтĕм чăваш диктанчĕ - 2015
Категория: Мероприятия, Дата: 17.04.2015, 15:00, Просмотров: (2474)
 Пĕтĕм чăваш диктанчĕ - 2015 Аслă Çĕнтерĕве халалласа Чăваш патшалăх гуманитари ăслăлăхĕсен институчĕ, Чăваш Республикин вĕренÿ институчĕ, «Хыпар» хаçат, Чăваш наци радиовĕ, Чăваш наци телевиденийĕ, Чăваш наци конгресĕ, И.Я. Яковлев ячĕллĕ Чăваш патшалăх педагогика университечĕ тата И.Н. Ульянов ячĕллĕ Чăваш патшалăх университечĕ «Пĕтĕм чăваш диктанчĕ - 2015» акци ирттерчĕç. Вăл чăвашсем пурăнакан пур хулапа ялта 2015 çулхи ака уйăхĕн 24-мĕшĕнче, эрне кун, иртрĕ. Çак акцин тĕп тĕллевĕ – чĕремĕрсене çÿçентерекен вăрçă тематикисĕр пуçне пурнăç тÿпинчи чăваш чĕлхин пĕлтерĕшĕпе сумне тата малашлăхĕпе кирлĕлĕхне тепĕр хут аса илтересси, çак илемлĕ те арпашуллă тĕнчен кисревĕнче тăван чĕлхемĕре малалла упраса аталантарасси. Акцие икĕ тĕрлĕ хутшăнма май пулчĕ. 1-мĕш вариант. Хăйсем пурăнакан вырăнтах çырма кăмăл тăвакансем диктант текстне 13.00 сехетре Чăваш наци радиовĕн 105 Fm тата 72,41 УКВ хумĕсем çинче, Чăваш наци телевиденийĕн официаллă сайтĕнче (www.ntrk21.ru) тÿрĕ эфирта итлеме пултарчĕç. 2-мĕш вариант. Диктант И.Я. Яковлев ячĕллĕ Чăваш патшалăх педагогика университечĕн историпе филологи факультетĕнче (Президент бульварĕ, 19а çурт, 201 тата 400 аудиторисем), Чăваш Республикин вĕренÿ институтĕнче (М. Горький проспекчĕ, 5-мĕш çурт, пуху залĕ тата 215 аудитори) тата Н.В. Никольский ячĕллĕ Шупашкарти педагогика колледжĕнче (14, 17, 20 аудиторисем) 13.00 сехетре пуçланчĕ. Халĕ диктансене тĕрĕслесе пĕтĕмлетеççĕ, паллă илнĕ тăрăх ушкăнласа списоксем хатĕрлеççĕ. Хальлĕхе диктант çырма тăватă пин çын ытла хутшăнни паллă. Чăваш Ен, Самара, Сарă ту (Саратов), Тутар Республики, Чĕмпĕр тата Чулхула облаçĕсем, Венгри хастарĕсем т.ыт.те хăйсем чăвашла мĕнле пĕлнине тĕрĕслеме пултарнă. Диктантăн пĕтĕм результатне çу уйăхĕн пуçламăшĕнче http://www.chgign.ru сайта вырнаçтарăпăр. «5» паллă илнĕ хастарсене çу уйăхĕн 28-мĕшĕнче 15 сехетре ЧПГĂИ Лару залĕнче сертификатсемпе парнесем парса чыслăпăр. Районсенче çырса "5" паллă илнĕ маттурсене районсенчи вĕренÿ пайĕсем парнесем парса хавхалантарĕç, Шупашкарпа Çĕнĕ Шупашкарта палăрнă "отличниксене" Гуманитари ăслăлăхĕсен институтĕнче кĕтетпĕр. Шупашкарта аудиторисенче вуланă текст варианчĕ: "5" илнисен списокĕ: |