Институт
Устав институтаНавигация
О нас говорятКалендарь
Опрос
Архив
Ссылки
Внимание! Вы находитесь на старой версии сайта. Новая версия тут.
Патăрьел районĕнче чăваш чĕлхипе литератури вĕрентекенсен саламĕ
Категория: Новости, Дата: 28.08.2015, 11:13, Просмотров: (915)
Хисеплĕ Юрий Николаевич! Ырми-канми вăй хуракан институт ĕçченĕсем! Паянхи пĕлтерĕшлĕ кун ячĕпе сире Патăрьел районĕнче чăваш чĕлхипе литератури вĕрентекенсенчен хĕрÿллĕ салам! 85 çул хушшинче мĕн чухлĕ пĕлтерĕшлĕ, курăмлă ĕçсем туса ирттернĕ эсир. Пире, вĕрентекенсене, сирĕн ĕçĕрсем, сĕнĕвĕрсем кулленхи шкул пурнăçĕнче çул уçса пыраççĕ. Пултарулăхăр хавхалантарать. Малашлăхри ĕçĕрсем те аталансах пыччăр, ÿсĕм картлашки хутшăнсах пытăр. Çирĕп сывлăх, чĕрĕ ăс-тăн, ĕçре ăнăçу, тулли кăмăл-туйăм сунатпăр. Кашни кун ыррипе пуçланса çĕннипе тăсăлтăр, чуна килĕшнипе вĕçлентĕр. |
Вăрнар районĕнчи шкулсенче чăваш чĕлхипе литературине вĕрентекенсен саламлă çырăвĕ
Категория: Новости, Дата: 28.08.2015, 11:05, Просмотров: (976)
Чăваш патшалăх гуманитарии ăслăлăхĕсен институчĕ 85 çул тултарнă ятпа эпир, Вăрнар районĕнчи шкулсенче чăваш чĕлхипе литературине вĕрентекенсем, чăваш халăхĕшĕн пысăк ĕçсем тунă аслă ăру ăсчахĕсене, хальхи вăхăтра ырми-канми вăй хурса ĕçлекен тĕпчевçĕсене ăшшăн саламлатпăр. Чăвашлăхшăн туса пыракан ăслăлăх ĕçĕсем халăхăн хăйне евĕрлĕхне, унăн наци туйăмне упраса хăварма пулăшаççĕ. Эсир кăларакан тĕпчев ĕçĕсем, кĕнекесем вĕрентекенсемшĕн те, вĕренекенсемшĕн те, пĕтĕм чăваш халăхĕшĕн те калама çук пысăк пуянлăх пулса тăраççĕ. Гуманитари институчĕ – чăваш чĕлхипе литературин, фольклорĕн, историпе археологин, социологипе этнографин, ÿнерĕн çивĕч ыйтăвĕсене анлăн тĕпчекен, çак пуянлăха пирĕн пата илсе çитерекен, малашлăхшăн та пĕлтерĕшлĕ ĕç тăвакан пĕртен-пĕр тытăм. Ачасене тĕпчев ĕçĕсене явăçтарма çак ĕçсем пирĕншĕн тĕрек пулса тăраççĕ. Тайма пуç сире, институтра ĕçлекен тавра курăмçăсене, сирĕн мал ĕмĕтлĕ туслă йыша. Малашне те пысăк çитĕнÿсем тума, тĕнче шайĕнче чăвашлăха çÿллĕ шая çĕклеме вăй-хал, ăс-тăн çивĕчлĕхĕ, çирĕп чăтăмлăхпа талпăну сунатпăр. Ăнăçу кашни пуçарурах пĕрле çÿретĕр. Вăрнар районĕнчи шкулсенче чăваш чĕлхипе литературине вĕрентекенсен саламлă çырăвĕ |