Институт
Устав институтаНавигация
О нас говорятКалендарь
| Пн | Вт | Ср | Чт | Пт | Сб | Вс |
|---|---|---|---|---|---|---|
Опрос
Архив
Ссылки
Внимание! Вы находитесь на старой версии сайта. Новая версия тут.
К.В.Иванов ячĕллĕ Литература музейĕ 75 çул тултарнине паллă турĕ
Категория: Новости, Дата: 23.10.2015, 12:21, Просмотров: (1001)
 Юпа уйăхĕн 21-мĕшĕнче К.В.Иванов ячĕллĕ Литература музейĕ 75 çул тултарнине паллă турĕ. Институт ĕçченĕсем (И.Ю.Кирилловăпа В.Г.Родионов филологи енĕн ертсе пыракан ăслăлăх ĕçтешĕсем т.ыт.те) çак ятпа музей ĕçченĕсене саламларĕç. Çак пысăк мар тапхăр хушшинче чăваш литературипе искусствин музейĕнчен пуçласа ыррине те, терт-нушине те сахал мар курчĕ музей. Вăрçă çулĕсенче, Шупашкар ГЭСне хăпартнă чухне çăмăл килмен ăна, çапах та пур йывăрлăха çĕнтерсе паянхи кун вăл чăваш халăхĕшĕн чăн-чăн культура вучахĕ, ÿнер тĕнчине юратакансене пĕрлештерсе тăракан центр пулса тăчĕ. Хальхи вăхăтра музей тĕрлĕ енлĕ те пуян куравсем хатĕрленисĕр пуçне интереслĕ литература каçĕсем, çыравçăсен паллă çулĕсене халалланă çавра сĕтелсем, чăваш искусствин паллă ĕçченĕсемпе тĕл пулусем, ачасем валли конкурссем ирттерет. Вĕсем общество пурнăçĕнче пĕлтерĕшлĕ вырăн йышăнаççĕ, халăхăн чун культурине пуянлатма пулăшаççĕ. Эпир музей ĕçченĕсене чăваш литературин еткерлĕхне упрас ĕçре пысăк çитĕнÿсем тума ăнăçу, çĕнĕ проектсене пурнăçа кĕртме çирĕп вăй-хал сунатпăр. Музей ĕмĕрĕ вăрăм пултăр, вăл çĕнĕ экспонатсемпе пуянлансах пытăр, чуна пыракан куравсем уçăлсах пыччăр, куракансем килсех тăччăр. Вĕсен пархатарлă ĕçне паянхи куракан çеç мар, пулас ăру та тивĕçлипех хакласса шанса тăратпăр.   |