Институт
Устав институтаНавигация
О нас говорятКалендарь
| Пн | Вт | Ср | Чт | Пт | Сб | Вс |
|---|---|---|---|---|---|---|
Опрос
Архив
Ссылки
Внимание! Вы находитесь на старой версии сайта. Новая версия тут.
Раҫҫей ӑслӑлӑх кунне халалланӑ пӗтӗмлетӳллӗ ӑслӑлӑх сессийĕ / Итоговая научная сессия, посвященная Дню российской науки
Категория: Мероприятия, Дата: 31.01.2016, 15:09, Просмотров: (948)
Хисеплĕ ĕçтешсем! Чӑваш патшалӑх гуманитари ӑслӑлӑхӗсен институтӗнче Раҫҫей ӑслӑлӑх кунне халалланӑ пӗтӗмлетӳллӗ ӑслӑлӑх сессийĕ пулчĕ. Вӑл 2016 ҫулхи нарӑсӑн 8-9-мӗшӗсенче иртрĕ. Яланхи пекех Ăслăлăх керменне халăх йышлă пуçтарăнчĕ. Килнĕ хăнасен йышĕнче Чăваш Республикин вĕренÿ тата çамрăксен политики министрĕн çумĕ Сергей Владимирович Кудряшов, Чăваш Республикин культура, наци ӗҫӗсен тата архив ӗҫӗсен министрĕн çумĕ Вячеслав Николаевич Оринов, Чăваш Республикин Патшалăх Канашĕн социаллă политикăпа наци ыйтăвĕсен комитечĕн председателĕ Пётр Степанович Краснов, Чăваш Республики ректорĕсен канашĕн пуçлăхĕ, И.Н. Ульянов ячĕллĕ Чăваш патшалах университечĕн ректорĕ Андрей Юрьевич Александров, Хельсинки университечĕн профессорĕ Екатерина Юрьевна Протасова, Аслă Петĕр патша ячĕллĕ Антропологипе этнографи музейĕн (Кунсткамерăн) ертсе пыракан ăслăлăх ĕçтешĕ Антон Кириллович Салмин, республикăри аслă тата вăтам шкул вĕрентекенĕсемпе вĕренекенĕсем, ăсчахсем, общество хастарĕсем, ÿнерçĕсемпе массăллă информаци хатĕрĕсенче вăй хуракансем, тавра пĕлÿçĕсем, чăваш гуманитари ăслăлăхĕн çитĕнĕвĕсемпе кăсăланакансем нумайăн пулчĕç. Программăра палăртнă кашни ыйтăвах хĕрÿллĕн сÿтсе яврĕç. Ăслăлăх сессийĕ кăçал яланхи пек директор докладĕнчен пуçланмарĕ. Хальхинче çамрăк кинематографсем чăваш халăхĕн кун-çулĕ çинчен ÿкернĕ «Аслă халăх историйĕ» кинофильмран пуçланчĕ. Юрий Михеев продюсерпа Юрий Сергеев режиссер кăтартнă ĕç чăваш халăхĕн чăн кун-çулне кăтартса парать тесе калама çук, паллах, анчах та çамрăк ăрăва чăваш халăхĕн историйĕпе, культурипе кăсăклантарса яма, пирĕн халăхăмăрăн пуласлăхĕ пирки шухăшлама пуçлама хĕтĕртекен кăсăк фильм пулни пирки иккĕленме çук. Уяв парнесĕр пулмасть. Институтра хастар ĕçлекен çамрăксене те, ят-сум илнĕ ăсчахсене те власть органĕсенче ĕçлекенсем, общество организацийĕсен хастарĕсем хавхалантарчĕç: институтра нумай çул ĕçленĕ А.К. Салмин «Чăваш Республикин тава тивĕçлĕ ăслăлăх ĕçченĕ» хисеплĕ ята тата Чăваш Республикин культура, наци ӗҫӗсен тата архив ӗҫӗсен министерствин Тавне тивĕçлĕ пулнă, Чăваш Республикин вĕренÿ тата çамрăксен политики министерствин Хисеп грамотине Д.В. Басманцев, И.Ю. Кириллова, А.С. Сулейманова, «Сувар» фондпа К.В. Иванов ячĕллĕ историпе культура тĕпчевĕсен фончĕн пĕрлехи К.В. Иванов ячĕллĕ медальне А.А. Трофимов тивĕçнĕ.                                                                            |