2016 çулхи çу уйăхĕн 20-мĕшĕнче «Пӗтӗм чӑваш диктантӗнчĕ - 2016» акцие хутшăнса «пиллӗк» паллӑ илнисене чысларӗҫ » Чувашский государственный институт гуманитарных наук

Внимание! Вы находитесь на старой версии сайта. Новая версия тут.

Чувашский государственный институт гуманитарных наук » Мероприятия » 2016 çулхи çу уйăхĕн 20-мĕшĕнче «Пӗтӗм чӑваш диктантӗнчĕ - 2016» акцие хутшăнса «пиллӗк» паллӑ илнисене чысларӗҫ

2016 çулхи çу уйăхĕн 20-мĕшĕнче «Пӗтӗм чӑваш диктантӗнчĕ - 2016» акцие хутшăнса «пиллӗк» паллӑ илнисене чысларӗҫ

Категория: Мероприятия, Дата: 23.05.2016, 13:41, Просмотров: (898)

Чӑваш патшалӑх гуманитари ӑслӑлӑхӗсен институтӗнче 2016 çулхи çу уйăхĕн 20-мĕшĕнче «Пӗтӗм чӑваш диктантӗнчĕ - 2016» акцие хутшăнса «пиллӗк» паллӑ илнисене чысларӗҫ. Уява Муркаш, Çĕнтĕрвăрри, Елчĕк, Красноармейски, Патăрьел районĕсенчи тата Шупашкарпа Çĕнĕ Шупашкар хулисенчи пултаруллă чăваш ывăлĕ-хĕрĕ пуçтарăнчĕ. Института килме май пултарнисене филологи енĕн ертсе пыракан ăслăлăх ĕçтешĕ Александр Кузнецов тата акцин сӑн-сӑпачӗ, «Тăван радио» редакторĕ Ольга Элиме чысларĕç.
"Пĕтĕм чăваш диктанчĕ - 2016" акцие пĕтĕмпе 6374 çын хутшăннă. Вĕсенчен:
- "5" илекенсем 1708 çын (26,80%);
- "4" илекенсем 2522 çын (39,57%);
- "3" илекенсем 1808 çын (28,36%);
- "2" илекенсем 334 çын (5,24%);
- текста туллин ярса паманнипе ĕçне хакламаннисем 2 çын (0,03%).
Чăваш патшалăх гуманитари ăслăлăхĕсен институчĕ диктант тексчĕн конкурсне ирттерчĕ.
Иртнĕ çулсенчи диктант тексчĕсене:
2013 çулта Ҫеҫпӗл Мишши, Нестер Янкас, Фатых Карим ячӗллӗ премисен лауреачӗ, Чӑваш Республикин культурӑн тава тивӗҫлӗ ӗҫченӗ, Чăваш халăх поэчĕ Юрий Сементер хатĕрленĕ,
2014 çулта ЧР искусствăсен тава тивĕçлĕ ĕçченĕ, Чăваш патшалăх премийĕн лауреачĕ Марина Карягина тележурналист çырнă,
2015 çулта чăвашсен паллă прозаикĕ Леонид Маяксем çырни тăрăх („Асран кайми кун“) хатĕрленĕччĕ.
2016 çулта - чăваш халăх писателĕ А. Артемьев çырнă «Çăкăр хакĕ» повесть (Шупашкар, 1977 çул) сыпăкĕ тăрăх хатĕрленĕ ĕçе суйласа илнĕ.
Конкурса çак ĕçсене тăратнă:
1) Çĕнĕ Шупашкарти 2-мĕш шкулти чăваш чĕлхипе литератури вĕрентекенсем Ильина Оксана Разиновна, Анисимова Алевтина Васильевна, Кириллова Людмила Аркадьевна, Ямщикова Татьяна Григорьевна - А. Артемьев çырнă «Çăкăр хакĕ» повеçĕн сыпăкĕ.
2) Вӑрмар районӗнчи Тикашри тӗп шкулта чӑваш чӗлхипе литературине вӗрентекен Е.И. Платонова - Н.Мранькан «Ӗмĕр сакки сарлака» романран илнĕ сыпăк.
3) И.Я. Яковлев ячĕллĕ Чăваш патшалăх педагогика университечĕн чăваш чĕлхипе литератури кафедрин ĕçченĕсем - А. Мефодьевăн «Амӑшӗ çулӗпе» хайлавĕн сыпăкĕ.
4) И.Я. Яковлев ячĕллĕ Чăваш патшалăх педагогика университечĕн чăваш чĕлхипе литератури кафедрин ĕçченĕсем - А. Мефодьевăн «Утарçӑ» хайлавĕн сыпăкĕ.
5) Ю. Михайлов - «Айдак палăкĕ» хайлав.
6) Н.А. Плотников - «Мӗнре сӑлтавӗ?» хайлав.
7) Лидия Филиппова - «Шанчăкпа пĕрле – малалла!» хайлав.
8) Ятне кăтартман паллă мар чăваш - 7 класра изложени çырма усă куракан «Хÿреллĕ пиллĕк» хайлав.
Авторсем ирĕк парсан конкурса тăратнă ĕçсем «Хыпар» хаçатăн çывăх вăхăтри номерĕсенче кун çути курма пултараççĕ.
«Пиллĕк» илнисемпе пĕрлех диктант йĕркелесе ирттерме хастар хутшăннисене Тав çырăвĕсем парса чысларĕç: ПРОКОПЬЕВ Олег Ивановича, Чăваш наци радиовăн продюсерне, МИХАЙЛОВА (ЭЛИМЕ) Ольга Владимировнăна, «Тăван радио» редакторне, «Пӗтӗм чӑваш диктантӗнчĕ - 2016» акци сăн-сăпатне, КУЗЬМИНА Лидия Николаевнăна, Шупашкар хулин 3-мĕш гимназийĕн чăваш чĕлхипе литератури вĕрентекенне, АНДРЕЕВА Евдокия Александровнăна, И.Я. Яковлев ячĕллĕ Чăваш патшалăх педагогика университечĕн чăваш чĕлхипе литератури кафедрин доцентне, ИЛЬИНА Оксана Разиновнăна, Çĕнĕ Шупашкар хулин 2-мĕш вăтам шкулĕн чăваш чĕлхи вĕрентекенне, АНИСИМОВА Алевтина Васильевнăна, Çĕнĕ Шупашкар хулин 2-мĕш вăтам шкулĕн чăваш чĕлхи вĕрентекенне, КИРИЛЛОВА Людмила Аркадьевнăна, Çĕнĕ Шупашкар хулин 2-мĕш вăтам шкулĕн чăваш чĕлхи вĕрентекенне, ЯМЩИКОВА Татьяна Григорьевнăна, Çĕнĕ Шупашкар хулин 2-мĕш вăтам шкулĕн чăваш чĕлхи вĕрентекенне, ДАНИЛОВА Вера Вениаминовнăна, Н.В. Никольский ячĕллĕ Шупашкарти професси колледжĕн чăваш чĕлхи вĕрентекенне, ДОБРОВА Надежда Васильевнăна, Н.В.Никольский ячĕллĕ Шупашкарти професси колледжĕн чăваш чĕлхи вĕрентекенне, СЕМЕНОВА Галина Николаевнăна, И.Н. Ульянов ячĕллĕ Чăваш патшалăх университечĕн чăваш филологийĕпе культура кафедрин профессорне 2016 çулхи ака уйăхĕн 25-мĕшĕнче ирттернĕ Чăваш Енри Ĕç çыннин çулталăкне тата Чăваш чĕлхи кунне халалланă «Пĕтĕм чăваш диктанчĕ – 2016» акцие йĕркелесе ирттерме пулăшнăшăн тав тунă, малашне те тăван чĕлхемĕре, тăван культурăна упраса аталантарас ĕçе хастар хутшăнасса шанса, пурнăçра телей, юрату, тăнăçлăх, чыс-хисеп сунса Чăваш патшалăх гуманитари ăслăлăхĕсен институчĕн директорĕ Ю.Н.Исаев алă пуснă Тав çырăвĕсемпе тата А.А.Трофимов академик çырнă «Ÿнер» (Искусство) кĕнекепе чысланă.
Мероприятие пынисене пурне те сертификат тата кӗнеке парса чысларӗҫ. Юрий Михайлович Виноградов, Анна Семёновна Егорова, Ольга Элиме тата Александр Валерьянович Кузнецов диктант ҫырма хутшӑннӑ пур ҫынна та тав турӗҫ. Акцие шкулта ĕçлекенсемпе вĕренекенсем анчах мар, май килнĕ таран ытларах ял халăхне явӑҫтарма сӗнчӗҫ, çакă акци шайне тата çÿлерех çĕклеме май панине палăртрӗҫ.

Чыслава килейменнисене пĕлсе тăма:
Сертификатсене Чӑваш патшалӑх гуманитари ӑслӑлӑхӗсен институтӗнче чĕлхе пĕлĕвĕ секцийĕнче кунсерен 8.30-17.30 сехетсенче (апат вăхăчĕ - 12.30-13.30 сехетсенче) пырса илме пулать. Шупашкара килме май килменнисем сайтран уçласа илсе тĕрлĕ тĕслĕ принтерпа çапса кăларма пултараççĕ:

Версия для печати