Институт
Устав институтаНавигация
О нас говорятКалендарь
| Пн | Вт | Ср | Чт | Пт | Сб | Вс |
|---|---|---|---|---|---|---|
Опрос
Архив
Ссылки
Внимание! Вы находитесь на старой версии сайта. Новая версия тут.
Чăваш Республикин вĕренÿ тата çамрăксен политикин министрĕ Ю.Н. Исаев Вĕрентекен кунĕпе саламлани
Категория: Новости, Дата: 5.10.2016, 12:17, Просмотров: (604)
 Хаклă ĕçтешĕмĕрсем! Паянхи савăк кун эпир çĕр-шывĕпех Вĕрентекен кунне паллă тăватпăр! Кашни çыннăн чунĕ-чĕринче вулама-çырма вĕрентнĕ пĕрремĕш учитель сăнарĕ упранать е ăсталăхĕпе, ырă кăмăлĕпе, илемĕпе тыткăнланă юратнă вĕрентекен сăн-сăпачĕ ĕмĕрĕпех асра юлать. Эпир шкулта вĕреннĕ чух вăй хунă хастарсен, пирĕн ăс-тăна тĕрлĕ енлĕ пĕлÿ акма ăнтăлнă ырă çыннăмăрсен, йывăрлăхсене çĕнтерме, хамăра шанма вĕрентнĕ хастар çынсен ячĕсене яланах асра тытатпăр. Институтăмăрăн хаклă ĕçтешĕсем! Сирĕнтен нумайăшĕ ăслăлăх ĕçĕпе вĕрентÿ ĕçне пĕтĕçтерсе-çураçтарса пырать, нумай ăсчахăн аслă пĕлÿ илнине çирĕплетекен дипломĕнче «вĕрентекен» тесе çырни Эсир вĕренÿ ĕçĕнчен инçетре пулманнине ĕмĕр-ĕмĕр çирĕплетсе пырать. Эпĕ сире професси ăсталăхĕшĕн, хăвăр суйласа илнĕ ĕçе чунтан юратнăшăн, иксĕлми вăй-халăршăн тата тĕнчене лайăхрах тума тăрăшнăшăн чун-чĕререн тав тăватăп. Эсир калăплакан кĕнекесемпе ăслăлăх статйисем чăвашлăхпа кăсăкланакан пĕтĕм çынна, шкул ачинчен, студентран пуçласа ăсчахсем таранах, чăваш халăхĕн чĕлхине, культурине, кун-çулне, ÿнерне, сăмахлăхне лайăхрах, тарăнрах пĕлме пулăшаççĕ. Сире Вĕрентекен кунĕпе пĕтĕм чунтан саламласа ырлăх-сывлăх, вăрăм ĕмĕр, кулленхи ĕçĕрсенче ăнăçу сунатăп! Чăваш Республикин вĕренÿ тата çамрăксен политикин министрĕ Ю.Н. Исаев |