Институт
Устав институтаНавигация
О нас говорятКалендарь
| Пн | Вт | Ср | Чт | Пт | Сб | Вс |
|---|---|---|---|---|---|---|
Опрос
Архив
Ссылки
Внимание! Вы находитесь на старой версии сайта. Новая версия тут.
Паллӑ чӗлхеҫӗ Юрий Филиппович Ефимов ҫуралнӑранпа 75 ҫул ҫитнине халалланӑ филологи енӗн анлӑ ларӑвĕ
Категория: Мероприятия, Дата: 20.10.2016, 13:54, Просмотров: (699)
  [size=3]Паллӑ чӗлхеҫӗ, филологи ӑслӑлӑхӗсен кандидачӗ Юрий Филиппович Ефимов ҫуралнӑранпа 75 ҫул ҫитнине халалланӑ "ЮРИЙ ЕФИМОВ ТАТА ЧӐВАШ ФИЛОЛОГИЙӖН ҪИВӖЧ ЫЙТӐВӖСЕМ" филологи енӗн анлӑ ларӑвне йыхравлатпӑр. 2016 ҫулхи юпа уйӑхӗн 25-мӗшӗнче 14 сехетре институтӑн ӑслӑлӑх канашӗн залӗнче кӗтетпӗр. ЕФИМОВ Юрий Филиппович (1941 ҫулхи юпа уйӑхӗн 24-мӗшӗ, Шупашкар районĕ, Ҫӗньял Покровски ялӗ — 1998 ҫулхи кӑрлач уйӑхӗн 7-мӗшӗ, Шупашкар хули). 1965 ҫ. Чӑваш патшалӑх педагогика институчӗн историпе филологи факультетӗнче вӗренсе «вырӑс чӗлхипе литератури тата чӑваш чӗлхипе литератури» специальноҫа алла илнӗ. 1967—1970 ҫҫ. шкулта ачасене вӗрентнӗ, «Пионер сасси» хаҫат редакцийӗн пай пуҫлӑхӗ, литература ӗҫченӗ пулнӑ. 1970—1972 ҫҫ. Чӑваш телевидени студийӗн литературӑпа драма, ача-пӑча редакцийӗсенче тӑрӑшнӑ. 1972—1975 ҫҫ. СССР ӑслӑлӑх академийӗн Чӗлхе пӗлӗвӗн институтӗнче аспирантурӑра вӗреннӗ. 1975—1979 ҫҫ. — Чӑваш АССР Министрсен канашӗ ҫумӗнчи Ӑслӑлӑх тӗпчев институчӗн чӗлхе пайӗнче аслӑ ӑслӑлӑх ӗҫтешӗ. 1978 ҫ. Алма-Атара «Лексико-грамматические особенности чувашских пословиц и поговорок» темӑпа кандидат диссертацине хӳтӗленӗ. 1979—1991 ҫҫ. — Чӑваш патшалӑх педагогика институчӗн методика кафедрин аслӑ преподавателĕ, ятарлӑ пӗлӳ паракан училищӗри тата вӑтам шкулти вӗрентекен. 1991—1998 ҫҫ. Чӑваш патшалӑх гуманитари ӑслӑлӑхӗсен институчӗн чӗлхе пӗлӗвӗ пайӗнче вӑй хунӑ. 1992—1996 ҫҫ. «Чӑваш чӗлхин ӑнлантару словарьне» хатӗрлекен ушкӑна ертсе пынӑ, лексикографи ыйтӑвӗсене тӗпченӗ, ӑнлантару словарĕ валли статьясем ҫырнӑ, «Библиографический указатель трудов ЧНИИ (1930—1979)» кӗнеке валли чӑваш чӗлхе пӗлӗвӗн библиографине хатӗрленӗ. |